2024 жылдың 15-30 маусым аралығында 7М01601 – «Тарих» білім беру бағдарламасының магистранты Кубенов Ернұр Ермекұлы Беларусь Республикасы аумағында Беларусь Республикасын неміс-фашист басқыншыларынан азат етудің 80 жылдығына және Павлодардағы іздестіру-зерттеу «Майдан жолы»  жасағы құрылуының 15 жылдығына арналған «Батырлар жолымен – Даңқ жолы» ERG халықаралық патриоттық жобасына қатысты. Іздеу жасағының құрамында Ернұр Кубенов Беларусь Республикасының Витебск облысында зерттеу жұмыстарын жүргізді, онда Павлодар Ертіс өңірі мен Семейде құрылған дивизиялар фашистік басқыншыларға қарсы шайқасты.
Жобаның негізгі мақсаты - Ұлы Отан соғысы жылдарында хабар-ошарсыз кеткен отандастарды іздеу, олар туралы естеліктерді табу және сақтау.