2024 жылғы 5-14 желтоқсан аралығында Тарих кафедрасының оқытушылары, тарих ғылымдарының докторы, профессор Б.Ж. Атантаева және тарих ғылымдарының кандидаты, қауымдастырылған профессор Р.Д. Ахметова ҚР ҒЖБМ AP23485479  «Семей округындағы қарулы көтерілістер құжаттары: тарихы және қатысушылар тағдыры (1929-1931жж.)» жобасы аясында Мәскеу қаласындағы Ресей мемлекеттік қоғамдық-саяси тарих мұрағаты (РМҚСТМ) қорларымен жұмыс жасады. Жұмыс барысында БК(б)П Орталық Комитетінің, БК(б)П Орта Азия бюросының, 1929-1931 жылдардағы БК(б)П Қазақ өлкелік комитетінің жабық отырыстары қорларынан 63 іс зерттелді. Қаралған істердің жартысынан астамы құпиясыздандырылған (бұрын «құпия» белгісімен сақталған), олардың ішінде 14 істің материалдары ғылыми айналымға алғаш рет енгізіледі.  Архивтегі жұмыс нәтижесінде 1929-1931 жылдардағы оқиғаларға қатысты жаңа деректер анықталды.